Mulliri i Selman Begës

Mulliri i Selman Begës ndodhet në thellësinë e Grykës piktoreske të Fshatit Jezerc, në afërsi të rrugës dhe Lumit të Madh (Degë e Lumit Nerodime). Është njëri nga 52 mullinjët që kanë ekzistuar përgjatë shtratit të Lumit Nerodime. Ka dy gurë për bluarje, kurse gjatë thatësirave ekstreme që kanë mbretëruar nëpër kohë dhe anë të ndryshme të Kosovës, në këtë mulli vinin për për të bluar edhe nga trevat e Llapit e Gollakut, rrethina e Prishtinës, Therandës e deri në afërsi të Prizrenit. Mulliri është restauruar në vitin 2012 nga fondet e Bashkimit Evropian në kuadër të projekteve për Zhvillimin e Turizmit në Regjonin e Lindjes. Tani mulliri nuk është funksional por është pjesë e trashëgimisë kulturore të Kosovës dhe shton numrin e objekteve në rritjen e turizmit në Ferizaj.